Intaunt cha vains discus vivamaing sur da politica e poppins, prepara duonna Ganzoni il fratemf da chavriöl (Rehpfeffer) per venderdi in möd modern, que chi voul dir, cha nu's dessa spargner cul vin! :-)
A l'avis da duonna Ganzoni gusta il fratemf il meglder scha'l tschierv ho gieu üna bella vita ed üna cuorta fin. A tadler ils pleds dad ella ans es gnida l'ova in buocha, chi'd es però svelt darcho sparida, cur cha vainsa udieu, cha avaunt bundant 100 ans, as mettaiva illa sosa impè da tschiculatta naira, il saung da las bes-chas, per survgnir quel gustin "speciel".
Per ans cumprouver cha la cuschina ho eir üna vart culturela, s'ho ris-cho il scriptur, artist e paur Göri Klainguti traunter 15 duonnas ed ans ho prelet ün pêr texts litterars sur da la cuschina.
 |
| Göri chi prelegia sieus texts tar las cuschinunzas |
Text da Göri Klainguti:
Sgür cha sgür nun es ünguotta
per il filosof, epür:
D'he gugent schoppa da giuotta
e quelo, mieu cher, es sgür.
Zieva cha'ns vainsa laschedas inspirer dals chapunets our da l'istorgia da Göri ans vainsa missas a la lavur.
Las cuschinunzas preparan il gianter ed eir la gruppa da blog ho cumanzo cun la lavur:
Cuort aunz gianter essans auncha rivedas da fotografer il menü finel, e cur cha vainsa do ün seguond sguard, d'eira già mangio sü tuot.
Bun appetit !!
No comments:
Post a Comment